Мадриднинг "Реал" клуби ярим ҳимоячи Дани Себальос билан хайрлашишни режалаштирмаяпти.
Бу йил ёзда матбуотда футболчининг ўйин амалиёти етишмаслиги сабабли кетмоқчи экани ҳақида маълумотлар пайдо бўлди. 28 ёшли испаниялик учун "Бетис" асосий даъвогар сифатида кўрилаётганди, аммо трансфер амалга ошмайдиганга ўхшайди. El Larguero хабарига кўра, "қаймоқранглилар" раҳбарияти ва мураббий Хаби Алонсо Себальосга уни жамоада олиб қолмоқчи эканликларини билдиришган. Агар кутилмаган ҳолат юз бермаса, хавбек яна камида бир мавсум Мадрид грандида ўйнайди.
Дани Себальоснинг "Реал" билан шартномаси 2027 йилнинг ёзигача мўлжалланган. Transfermarkt сайтида футболчининг нархи - 10 млн евро.
