Испания Ла Лигаси муҳим янгиликка ҳозирлик кўрмоқда: 2025/26 йилги мавсумдан бошлаб клублар бош мураббийлари ҳар бир ўйинда икки марта ВАР ёрдамида баҳсли вазиятларни кўриб чиқишни бошлашлари мумкин, деб хабар беради Goals Side нашри.
Янги ташаббусга кўра, агар мураббийнинг илтимосидан кейин ҳакам ўзининг дастлабки қарорини ўзгартирса, жамоа кейинги сўровлар учун иккала имкониятни ҳам сақлаб қолади. Акс ҳолда, сўровлардан бири ишлатилган деб ҳисобланади.
Ушбу қадам ҳакамларнинг адолатлилиги ва шаффофлигини ошириш, шунингдек, баҳсли вазиятларда жамоаларга ўйин жараёнига кўпроқ таъсир ўтказишга қаратилган.
Эслатиб ўтамиз, Ла Лиганинг амалдаги чемпиони 88 очко билан “Барселона” ҳисобланади. “Реал Мадрид” 84 очко билан иккинчи, “Атлетико” эса 76 очко билан учинчи ўринни эгаллади.
