Олли Уоткинс ва Беньямин Шешко - "Манчестер Юнайтед"нинг ҳужум чизиғини кучайтириши мумкин бўлган асосий нишонлари.
ESPN хабарига кўра, Уоткинс ва Шешко Уго Экитике "Ливерпуль"га, Виктор Дьёкереш эса "Арсенал"га ўтгандан сўнг бозорда энг мос вариант деб ҳисобланади.
Бироқ, "Юнайтед" келишувларнинг потенциал нархидан хавотирда, "Астон Вилла" ва "Лейпциг" томонидан сўралган суммалар ҳаддан ташқари кўп деб ҳисобланмоқда. Бироқ клуб қандай молиявий шартлар талаб қилиниши мумкинлигини тушуниш учун иккала футболчининг вакиллари билан боғланиб улгурди. Улардан қайси бирини биринчи ўринга қўйиш борасида ҳозирча қарор қабул қилинмаган.
Шешкога "Ньюкасл" ҳам қизиқиш билдирмоқда, "Юнайтед" словениялик футболчи уларни танлашига ишонади.
Ўз навбатида "Астон Вилла" Уоткинсни қўйиб юбориш нияти йўқлигини таъкидламоқда. Бироқ, "Юнайтед"нинг фикрича, яхши таклиф Бирмингем клубини 29 ёшли форвардни сотишга кўндиради. Манкунианликлар англиялик футболчини 45 миллион фунтга яқинроқ баҳоламоқда.
Клуб раҳбарияти Алехандро Гарначо, Антони, Жэйдон Санчо ва Тирелл Маласиани сотиш орқали маблағ йиғишга умид қилмоқда. Расмус Хёлунднинг "Манчестер Юнайтед"даги келажаги ҳам сўроқ остида.
