"Ньюкасл" ҳужумчиси Александр Исак яқин кунларда "Ливерпуль" сафига қўшилиши кутилмоқда. Бу маълумотни ички манба Николо Скира тарқатди.
Манбанинг хабар беришича, футболчи "Ливерпуль" билан шахсий шартнома шартларини тўлиқ келишиб олган. Исакнинг трансфери мерсисайдликларга тахминан 120-125 миллион еврога тушиши мумкин. Манба таъкидлашича, ҳужумчи айнан "Ливерпул"га ўтишни қатъий талаб қилмоқда.
Ўтган мавсумда 25 ёшли швециялик футболчи барча мусобақаларни ҳисобга олганда 42 та ўйинда иштирок этиб, 27 марта рақиб дарвозасини ишғол қилди ва 6 та узатмани амалга оширди.













