Ҳужумчининг бошқа клубга кетиши эҳтимоли фонида Беньямин Шешконинг агенти Лейпцигга келди.
Бу ҳақда инсайдер Фабрицио Романо хабар бермоқда.
"РБ Лейпциг" ва Словения терма жамоасининг 22 ёшли футболчисига "Манчестер Юнайтед" ва "Ньюкасл" даъвогарлик қилмоқда.
Аввалроқ, немис клуби Шешкони "ҳаккалар"га 75+5 млн еврога сотишдан бош тортганди. Манкунианликлар ҳам ўз навбатида "Лейпциг"га расмий таклиф билан чиқишини маълум қилишган.
Шешко 13 та гол билан Бундеслиганинг ўтган мавсумида "Лейпциг"нинг энг яхши тўпурарига айланди.













