Италия А Сериясида "Милан"да ўйнаётган 22 ёшли америкалик ярим ҳимоячи Юнус Муса Туманли Альбионга ўтиши мумкин. Бу ҳақда Gazzetta dello Sport нашри хабар бермоқда.
Манбанинг маълум қилишича, ярим ҳимоячи хизматларига "Ноттингем Форест" қизиқмоқда. Яқин кунларда "ўрмончилар" футболчининг трансфери бўйича "россонерилар"га таклиф юборишади. Миланликлар Юнусни сотишдан тахминан 30 миллион евро ишлаб олишни кутмоқда.
Ўтган мавсумда ярим ҳимоячи Италия жамоасининг 40та ўйинида иштирок этган. Муса учта голли узатмани амалга оширди. Америкалик футболчининг шартномаси 2028 йилнинг ўрталарига қадар мўлжалланган.













