Туркиянинг "Бешиктош" клуби бош мураббий Оле-Гуннар Сульшер истеъфога чиқарилгани ва унинг ўрнига Нури Шахин тайинлангани ҳақидаги маълумотни рад этди. Тегишли баёнот оқ-қоралар сайтида пайдо бўлди.

"Босма ва электрон оммавий ахборот воситаларида хорижий манбаларга таяниб, мураббийимиз Оле-Гуннар Сульшер билан хайрлашиб, Нури Шахин билан шартнома имзолашимиз ҳақида эълон қилинган хабарлар ёлғон", - дейилади баёнотда.

Аввалроқ, "Бешиктош" раҳбарияти турк клуби Европа Лигаси саралашидан чиқиб кетгач, бош мураббийни ўзгартириш ҳақида ўйлаётгани ҳақида хабар берилганди.