Turkiyaning "Beshiktosh" klubi bosh murabbiy Ole-Gunnar Sulsher iste’foga chiqarilgani va uning o‘rniga Nuri Shaxin tayinlangani haqidagi ma’lumotni rad etdi. Tegishli bayonot oq-qoralar saytida paydo bo‘ldi.
"Bosma va elektron ommaviy axborot vositalarida xorijiy manbalarga tayanib, murabbiyimiz Ole-Gunnar Sulsher bilan xayrlashib, Nuri Shaxin bilan shartnoma imzolashimiz haqida e’lon qilingan xabarlar yolg‘on", - deyiladi bayonotda.
Avvalroq, "Beshiktosh" rahbariyati turk klubi Yevropa Ligasi saralashidan chiqib ketgach, bosh murabbiyni o‘zgartirish haqida o‘ylayotgani haqida xabar berilgandi.
