Хосеп Гвардиола "Манчестер Сити" ҳужум чизиғини кучайтирмоқчи. Fichajes портали маълумотига ишонадиган бўлсак, "шаҳарликлар" бош мураббийи Рафаэль Леауни ўз жамоаси таркибида кўришни истамоқда.
Манбага кўра, "Манчестер Сити" 26 ёшли футболчи учун катта сумма - 100 миллион евро тўлашга тайёр.
"Милан" Леау билан хайрлашмоқчи эмас, аммо 100 миллионлик таклиф А Серия клубини ўйлантириб қўйиши мумкин. Рафаэлнинг ўзини Гвардиола билан ишлаш имконияти жалб қилиши мумкин.
Рафаэль Леау "Милан" сафида 260 та ўйинда майдонга тушиб, 70 та гол урган ва 62 та голли узатмани амалга оширган.
