Англия терма жамоаси ҳимоячисига "Ливерпуль" қизиқишда давом этмоқда. Мерсисайдликлар ёздаёқ "Кристал Пэлас" вакили Марк Гехи билан шартнома имзолашга тайёр. Айтганча, "қизиллар" 25 ёшли футболчининг Лондондаги амалдаги шартномаси бир йилдан сўнг якунланишини инобатга олиб, унинг учун ортиқча пул тўламоқчи эмас. Бу ҳақда The Times’га таяниб, Transfer News Live хабар берди.
Агар Гехи ёзда ҳеч қаерга кетмаса ва шартномани узайтирмаса, келаси ёзда "Кристал Пэлас"ни эркин агент сифатида тарк этади.
Нуфузли Transfermarkt портали Марк Гехини 45 миллион еврога баҳоламоқда. Ҳимоячи Англия терма жамоаси сафида 23 та ўйинда майдонга тушган.













