"Манчестер Сити" марказий ҳимоячиси Жон Стоунс клубни тарк этиши мумкинлиги ҳақидаги маълумотларга изоҳ берди.
Англиялик футболчи "шаҳарликлар" таркибни ёшартириш мақсадида хайрлашиши мумкин бўлган футболчилар қаторидан ўрин олди. Бироқ, ҳозирча ҳеч қандай аниқ таклифлар ҳақида хабар берилмади.
"Менга бу ҳақда гапиришади, лекин ҳеч нарсадан хабарим йўқ. Мен учун бу кулгили, лекин нима учун бундай бўлишини тушунаман. Бу ерда изоҳ беришнинг ҳожати йўқ. "Манчестер Сити" менга ёқади, ҳеч қандай музокаралар олиб борилмайди. Мен курашиш, ўйнаш ва умид қиламанки, совринлар ютиш учун шу ердаман," - дея 31 ёшли футболчининг сўзларини келтиради City Report.
Жон Стоунзнинг "Манчестер Сити" билан шартномаси келаси йилнинг ўрталарида якунига етади.
