Словениялик ҳужумчи Беньямин Шешко Германиянинг "РБ Лейпциг" клубидан "Манчестер Юнайтед"га ўтади. Бу ҳақда инсайдер Фабрицио Романо ўз ижтимоий тармоқлари орқали маълум қилмоқда.
Журналистнинг сўзларига кўра, томонлар музокаралар ўтказиб, меҳнат шартномасини имзолашга келишиб олган. Беньямин "қизил иблислар" билан шартномаси муддати 2030 йилнинг ёзигача мўлжалланган.
Transfermarkt портали 22 ёшли футболчининг бозор нархини 70 миллион еврога баҳоламоқда. Словенияликнинг "буқалар" билан шартномаси 2029 йил июнь ойи охирида тугайди.
Бундеслиганинг ўтган мавсумида Шешко 33 та учрашувда майдонга тушди. Ҳужумчи 13 та гол уриб, бешта голли узатмани амалга оширди.
