Аввалроқ, Англиянинг "Ньюкасл" клуби "Милан"нинг германиялик марказий ҳимоячиси Малик Тиавга қизиқиш билдираётгани ҳақида хабар берган эдик.
Pianetamilan нашрининг аниқлик киритишича, инглизлар "россонерилар"га футболчи учун 30 миллион таклиф қилган.
"Ньюкасл" унинг учун 30 миллион еврогача таклиф қилган. Аммо "Милан" катта таклифга қарамай, футболчини сақлаб қолмоқчи, айниқса, Массимилиано Аллегри уни юқори баҳолаганидан кейин," - деб ёзди италиялик журналист Лука Бьянки.
Эслатиб ўтамиз, Италия А Серияси янги мавсуми ўн бешинчи август куни старт олади.













