"Пари Сен-Жермен" дарвозабони Жанлуижи Доннарумма жорий трансферлар даврида клубини ўзгартириши мумкин.
Италиялик футболчининг Лига 1 гранди билан амалдаги шартномаси келаси йили якунига етади. Томонлар янги шартнома шартларини келиша олмади ва "ПСЖ"да аллақачон ўринбосар топилди: Луис Энрике жамоаси тез орада "Лилль"дан "биринчи рақам"га айланиши кутилаётган Люка Шевальени сотиб олади.
Айни пайтда, журналист Экрем Конурнинг ёзишича, Доннарумма фаолиятини қаерда давом эттиришни ўзи аллақачон ҳал қилган. Манбага кўра, 26 ёшли дарвозабон Англия Премьер-лигасида ўзини синаб кўришни режалаштирмоқда. Футболчи учун асосий даъвогар "Манчестер Юнайтед" ҳисобланади.
