"Монако"нинг ёзги янги трансфери, ярим ҳимоячи Поль Погба ўзининг режалари ҳақида фикр билдирди. 32 ёшли футболчининг айтишича, у энг яхши формага киришни мақсад қилган.
Аввалроқ "Монако"да Погба ўйнашдан олдин формага кириши кераклиги таъкидланган эди.
"Бу жараёнда босқичлар бор, мен учун энг муҳими - яхшилаб тайёргарлик кўриш. Мен майдонга чиқиб, ўзимни йўқотиб қўйишни, Поль Погба бўлмай қолишни истамайман. Ҳамма кутмоқда, барча буюк Поль Погбани майдонда кўришни хоҳлайди. Мен айнан шунга тайёргарлик кўряпман," - дея Погба BeIN Sports’га маълум қилди.
Эслатиб ўтамиз, Поль Погба анча вақтдан бери ўйинларда иштирок этмаяпти. Март ойида унинг антидопинг қоидаларини бузгани учун олган дисквалификацияси муддати тугади. Дисквалификация бир ярим йилга чўзилган эди.
