2022 йил 10 август куни «Реал Мадрид» Хельсинкидаги Олимпия стадионида «Айнтрахт Франкфурт» устидан 2:0 ҳисобида ғалаба қозониб, ўз тарихида бешинчи бор Европа Суперкубоги соҳибига айланди. "Реал" расмий сайти ушбу воқеани ёдга олди.

28 май куни Чемпионлар Лигасининг ўн тўртинчи соврини қўлга киритганидан сўнг, «Реал» Финляндия пойтахтида ўтган ушбу баҳсда яна бир қитъа мусобақаси ғалабасини қўшиб қўйди.

Биринчи бўлимда (37-дақиқа) Алаба ҳисобни очди, иккинчи бўлимда эса (65-дақиқа) Бензема жарима майдони ичидаги зарба билан ҳисобни мустаҳкамлади.

Каземиро ўша ўйиннинг энг яхши футболчиси деб топилган. Шунингдек, Тчуамени ва Рюдигер «Реал Мадрид» сафида расмий дебют ўйинини ўтказган эди.

Европа Суперкубоги 2022 йилдаги тўртинчи соврин бўлди — ундан олдин Испания Суперкубоги, Ла Лига ва Чемпионлар Лигаси ютилган эди.

УЕФА суперкубоги-2022.
"РЕАЛ" - "АЙНТРАХТ" - 2:0
Реал Мадрид: Куртуа, Карвахаль (Рюдигер, 85'), Милитао, Алаба, Менди, Касемиро, Кроос (Чуамени, 85'), Модрич (Родриго, 66'), Вальверде (Камавинга, 76'), Вини Жуниор (Себальос, 85') ва Бензема.
Айнтрахт: Трапп, Туре (Лукас Аларио, 70'), Тута, Н’Дикка, Кнауфф, Роде (Гётце, 58'), Соу, Камада, Ленц, Линдстрём (Коло Муани, 58') ва Борре.
Голлар:
1:0 (37-дақиқа) — Алаба
2:0 (65-дақиқа) — Бензема