"Челси" ва "РБ Лейпциг" ҳужумкор ярим ҳимоячи Хави Симонснинг трансфер шартлари бўйича келишиб олди. "Кўклар" 22 ёшли футболчи учун 60 млн фунт (деярли 70 млн евро) тўлайди, деб хабар бермоқда журналист Орацио Аккомандо. Футболчи билан тузиладиган шартнома тафсилотлари ҳам келишиб олинган. "Челси" яна бир сотувни амалга ошириши билан келишув тасдиқланади.
Хави Симонс ўтган мавсумда "РБ Лейпциг" сафида 33 та ўйинда 11 та гол ва 8 та голли узатмага муаллифлик қилди. Январь ойида немис клуби нидерландиялик футболчини "ПСЖ"дан 50 млн еврога сотиб олганди.
17 август куни Энцо Мареска жамоаси Премьер-лигани ўз майдонида "Кристал Пэлас"га қарши баҳс билан бошлайди.
