"Интер" Бенжамин Павар ўрнига "Удинезе"дан Умар Солени ҳимояга ўринбосар сифатида кўрмоқда.
Бу ҳақда Италиянинг SportMedaiset телерадиокомпанияси маълум қилди.
"Интер" икки йил аввал "Бавария"дан Бенжамин Паварни сотиб олганди. У ўтган мавсумда формасини йўқотди.
Бундан ташқари, француз кейинги мавсум ўттиз ёшга тўлади. "Нерадзуррилар" франциялик футболчи учун таклифларни тингламоқчи.
Хабарларга кўра, "Интер" Паварни 20 миллион еврога сотиши мумкин. Айни пайтда Павар ўрнига "Удинезе" ҳимоячиси Умар Соле таркибни тўлдириши кутилмоқда.













