"Милан" бош мураббийи Массимилиано Аллегри "Ювентус"даги фаолияти орқали яхши танийдиган ҳужумчи Душан Влахович билан яна бир бор ишлашга умид қилмоқда. Айнан сербиялик футболчи "россонерилар" мураббийининг устувор трансфер мақсади ҳисобланади, деб хабар бермоқда журналист Николо Скира. 25 ёшли футболчининг ўзи "Милан"га ўтишга тайёр, аммо молиявий масала жиддий муаммолигича қолмоқда.

Душан Влаховичнинг "Ювентус" билан амалдаги шартномаси келаси йилнинг ёзида ўз ниҳоясига етади, шу боис "кекса синьора" жорий трансферлар даврида футболчи билан хайрлашишга интилмоқда. Transfermarkt портали форварднинг нархини 35 млн еврога баҳоламоқда.