Матбуотда яқин келажакда "Барселона"ни ярим ҳимоячи Марк Касадо тарк этиши мумкинлиги ҳақида маълумотлар пайдо бўлди. Бу борада "кўк-анорранглилар" бош мураббийи Ханс-Дитер Флик жума кунги матбуот анжуманида изоҳ берди.
"Касадо? Мен у билан гаплашдим. У кетмоқчи эмас деб ўйлайман. Унинг шу ерда қолишини истайман. Мавсум оғир бўлади. Унинг борлиги жамоага катта ишонч бағишлайди, бу эса бизга айни муддао," - деди Флик.
Айни дамда Ханс-Дитер Флик "Барселона" футболчиларини Испания чемпионатининг "Леванте"га қарши сафар ўйинига тайёрламоқда. Ўйин 23 август, шанба куни бўлиб ўтади.
