Лука Модрич шу ёзда ўн уч мавсум тўп тепган "Реал"ни тарк этди. Тез орада тажрибали хорват "Милан" аъзосига айланди. Бу борада таниқли мураббий Карло Анчелотти изоҳ берди.
"Модрич билан гаплашдим. У мухлисларни хурсанд қилади ва А Серияда ўз изини қолдиради. У танловдан мамнун ва шу орқали терма жамоаси билан жаҳон чемпионатига йўл олиши мумкинлигини билади. Модрич - ҳақиқий профессионал. Ўтган мавсумда у бирорта машғулотни ўтказиб юбормади," - деди Анчелотти Il Giornale нашрига берган интервьюсида.
