"Бавария" марказий ҳимоячиси Жонатан Та Бундеслига 6-туридан ўрин олган "РБ Лейпциг"га қарши уй учрашувидан кейин ўз фикрларини билдириб ўтди. Мюнхен гранди "буқалар"ни 6:0 ҳисобида таслим этди.
"Биз учрашувни аъло даражада бошладик ва бутун учрашув давомида диққатни жамладик. Жамоамиз тайёрлигини кўрсатди. Бу ерда ўзимни қулай ҳис қиляпман, футболдан завқ оляпман," - дея ҳимоячининг сўзларини келтиради клуб матбуот хизмати.
Германия чемпионатининг навбатдаги турида "Бавария" сафарда "Аугсбург" билан куч синашади. Жамоалар ўртасидаги баҳс кейинги шанба, 30 август куни бўлиб ўтади.
