Бугун "Арсенал" Англия чемпионатининг 2-тури доирасида "Лидс"га қарши баҳс олиб бормоқда.
Ҳисоб 34-дақиқада очилди, ўшанда Юрриен Тимбер бурчакдан оширилган тўпни рақиб дарвозасига аниқ йўллади. Голдан бир неча дақиқа ўтгач, "Арсенал" бош мураббийи Микель Артета алмаштиришга мажбур бўлди.
Гап шундаки, ярим ҳимоячи Мартин Эдегор жароҳат олди. Эдегор олган жароҳати қанчалик жиддий эканлиги ўйиндан сўнг маълум бўлиши мумкин.
Эслатиб ўтамиз, "Лидс"га қарши ўйин Эдегор учун "Арсенал" таркибидаги 200-ўйин бўлди.













