"Милан" футболчиси Алексис Салемакерс А Серия 1-туридан ўрин олган "Кремонезе"га (1:2) қарши ўйинда Рафаэль Леаунинг йўқлиги мағлубиятга асосий сабаб бўлдими, деган саволга жавоб берди.
Португалиялик вингер жароҳати туфайли учрашувни ўтказиб юборди. "Россонерилар" кутилмаганда ўз уйида юқори дивизионнинг янги вакилига имкониятни бой бериб қўйди.
"Леау етишмадими? Рафа - фантастик ўйинчи, у ҳатто марказий ҳужумчи позициясида ҳам жуда фойдали. Аммо Хименесга ҳам ишонамиз, шунинг учун уларнинг қайси бири майдонга тушиши муҳим эмас. Бизда аҳил жамоа бор," - деди Салемакерс матбуот анжуманида.
