Мадриднинг "Реал" клуби устози Хаби Алонсо жамоа марказий ҳимоячиси Антонио Рюдигер ҳақида фикр билдирди.
"Антонио жамоанинг муҳим футболчиси ҳисобланади. Майдонга тушишга тайёр футболчиларимиз бўлса, жуда яхши. Ўйин схемасига қараб таркибга футболчи танлаймиз. Рюдигер ҳозирда жуда ишончли," - дея испаниялик мутахассиснинг сўзларини келтиради "қироллик клуби" матбуот хизмати.
Испания чемпионатининг жорий мавсумида Рюдигер битта ўйин ўтказди. Ла Лиганинг дастлабки икки турида Мадрид гранди иккита ғалабага эришди ва турнир жадвалида учинчи ўринда бормоқда.
