"Милан" Адриен Рабьони сотиб олмоқчи.
Журналист Маттео Мореттонинг хабар беришича, сўнгги соатларда Италия клуби "Марсель" ярим ҳимоячисининг трансферини якунлаш бўйича аниқ қадамлар қўйган ва футболчининг ўзи билан боғланган.
"Россонерлар" бош мураббийи, "Ювентус"да Рабьо билан бирга ишлаган Массимилиано Аллегри 30 ёшли футболчи билан шартнома имзолашни сўради.
Эслатиб ўтамиз, "Марсель" ечиниш хонасида Жонатан Роу билан жанжалдан кейин Адриенни трансферга қўйганди. Француз клуби 15 миллион евро олмоқчи экани хабар қилинганди.
Ўтган мавсумда ярим ҳимоячи Лига 1да 29 та ўйинда майдонга тушиб, 9 та гол урди ва 4 та голли узатмани амалга оширди.
