"Барселона" тез орада дарвозабон Войцех Шеснини рўйхатдан ўтказишни якунламоқчи.

Айни дамда полшалик Ла Лига баҳсларида иштирок этиш ҳуқуқига эга эмас - айнан шу сабабли Ханс-Дитер Флик уни чемпионатнинг дастлабки икки ўйини қайдномасига киритмаган. RAC1 хабарига кўра, муаммо тез орада ҳал бўлади: Иньяки Пенья "Эльче"га ижарага кетган, шунинг учун энди "кўк-анорранглилар" Шесни рўйхатдан ўтказишлари мумкин бўлади. 35 ёшли дарвозабон 31 август куни бўлиб ўтадиган "Райо Вальекано"га қарши ўйин қайдномасига киритилиши кутилмоқда.

"Барселона" Ла Лига 2-туридан кейин 6 очко жамғарди. Каталония грандининг асосий посбони - Ёз бошида "Эспаньол"дан сотиб олинган Жоан Гарсия.