Португалиялик ҳужумкор ярим ҳимоячи Луиш Фигу ўз вақтида дунёнинг энг яхши клубларида ўйнаган ва унинг "Барселона"дан "Реал"га ўтиши ҳали ҳам Каталония суперклуби мухлисларининг ғазабини қўзғатади. Фигунинг ўзи тан олганидек, аслида у Испаниянинг бошқа клубида ўйнашни орзу қилган.
"Мадриднинг "Атлетико" жамоасида ўйнашни хоҳлардим - уларнинг ўйин фалсафаси, услуби, стадиони ва муҳити туфайли. "Атлетико"га қарши ўйнаганимизда, бу ҳар доим атмосферали ўйин эди," - дея Фигунинг сўзларини келтиради derbyderbyderby.it.
Эслатиб ўтамиз, Луиш Фигу фаолиятини 2009 йилда Италиянинг "Интер" клубида якунлаган.
