"Барселона"нинг ҳужумкор ярим ҳимоячиси Фермин Лопес нима учун "Челси"нинг қизиқишини рад этганини тушунтирди.
"Челси" Хави Симонс учун курашда "Тоттенхэм"га ютқазиб қўйганидан сўнг, Лопесга кўз тикди ва "кўклар" дам олиш кунлари Фермин учун 34,6 миллион фунт стерлинг таклиф қилишди.
Бироқ, болалигидаги клубини тарк этиш фикри Лопесда ҳеч қачон бўлмаган ва 22 ёшли испаниялик футболчи иккиланмасдан "Челси"ни рад этган.
"Менинг устуворлигим ҳар доим "Барселона" бўлган. Мен бу ерга 12 ёшимда келганман. Мен бу ерда бўлишни орзу қилардим, асосий жамоада бўлишни орзу қилардим.
Бошқа клублардан қизиқиш бўлса, бу ҳар доим мақтов, лекин ҳақиқат шундаки, мен ҳар доим "Барселона"да қолишни ва бу ерда яхши ишлашни хоҳлаганман.
Кўп тахминлар бўлди, лекин мен таъкидлайман: менинг устуворлигим ҳар доим "Барселона" бўлган ва мен бу ерда қолишга ҳеч қачон шубҳа қилмаганман. Мен ҳар доим бу ерда бўлишни хоҳлаётганимни ҳис қилганман, мен муваффақиятга ҳаракат қилмоқчиман, клубга ёрдам беришни хоҳлайман" - деди Лопес Мундо Mundo Deportivo билан суҳбатда.
