Ўзбекистон U-23 жамоаси сардори Умарали Раҳмоналиев Шри-Ланкага қарши 4:0 ҳисобидаги йирик ғалабадан кейин ўз фикрларини баҳам кўрди. Эслатиб ўтамиз, «Сабаҳ» клуби сафида тўп суриб келаётган ярим ҳимоячи бу ўйинда ҳисобни очган илк гол муаллифи бўлди.
Раҳмоналиев учрашувдан кейинги интервьюсида юртдошларга самимий миннатдорчилик билдирди:
«Аввало, бутун ўзбек халқини бугунги катта ютуқ билан табриклайман. Биз қайси жамоага қарши майдонга тушсак ҳам, ғалаба учун ўйнаймиз. Шу сафар ҳам муҳим ғалабага эришдик. Олдимизда яна икки беллашув турибди. Шу баҳсларда ҳам ютиш ва Осиё кубоги йўлланмасини қўлга киритиш ниятидамиз. Бизни доим қўллаб-қувватлаб турсангизлар, биз янада кучли бўламиз».













