Бразилиялик вингер Виллиан фаолиятини ўз ватанида давом эттиради - у "Гремио" футболчисига айланади. Бу ҳақда инсайдер Фабрицио Романо маълум қилди.
Манбага кўра, 37 ёшли футболчи бугуноқ Бразилияга учиб боради ва у ерда тиббий кўрикдан ўтиб, клуб билан шартнома имзолайди. Томонлар битимнинг барча шартларини келишиб олишган, Виллиан жамоага эркин агент мақомида қўшилади.
Хавбекнинг сўнгги клуби Англиянинг "Фулхэм" клуби бўлиб, у бу жамоада икки мавсум ўйнаган. Бунгача тажрибали бразилиялик футболчи "Челси", "Арсенал", "Коринтианс", шунингдек, Грециянинг "Олимпиакос" клублари шарафини ҳимоя қилган.
