"Бавария" ва Германия терма жамоаси футболчиси Йозуа Киммих клубларнинг трансфер харажатлари юқори экани ҳақида гапирди.

"Биз футболчиларга ҳам, оддий мухлисларга ҳам футболчи учун қанча пул тўланишини тушуниш қийин. Биз миқдорларни назорат қила олмаймиз ва уларга қандайдир таъсир ўтказа олмаймиз. Тан олиш керак, бу суммаларни бозор белгилайди.

АПЛга қарайдиган бўлсак, у ерда мулкдорлар ҳисобидан ҳам, телевидение тўловлари ҳисобидан ҳам ресурслар бор. Улар чўнтагидан жуда катта суммани осонгина чиқариб олишлари мумкин экан," - деди Киммих журналистларга.

Эслатиб ўтамиз, "Ливерпул" бу ёзда янги футболчилар учун қарийб 500 миллион евро сарфлаб, жаҳон рекордини ўрнатди.