Лионел Месси дубль қайд этди ва Аргентина терма жамоасига ўз уйида Венесуэлани мағлуб этишга ёрдам берди (3:0).

38 ёшли футболчи 39-дақиқада ҳисобни очган бўлса, 80-дақиқада таблода якуний натижани қайд этди. Айнан Месси энди Жанубий Америкадаги саралаш босқичи тўпурарлари рўйхатида етакчилик қилмоқда - саккизта гол. Иккинчи ўринни колумбиялик Луис Диас (етти), учинчи ўринни боливиялик Мигелито (олти) эгаллаган.

Умуман олганда, Месси Аргентина терма жамоаси сафида 194 та ўйинда 114 та гол урган.

"Альбиселесте" саралаш гуруҳида 17 турдан сўнг 38 очко тўплаб, 2-ўриндаги Уругвайни 11 очкога ортда қолдирган ҳолда яққол пешқадамлик қилмоқда.