"Ливерпуль" клуби ва Венгрия терма жамоаси ярим ҳимоячиси Доминик Собослаи португалиялик ҳужумчи Криштиану Роналду билан бўлиб ўтадиган учрашув ҳақидаги фикрлари билан ўртоқлашди.
"Мен турли буюк футболчиларга қарши ўйнаганман, аммо ҳеч қачон Криштиану Роналдуга қарши ўйнамаганман. У болалигимдан менинг кумирим эди, шунинг учун вақти келди. Умид қиламанки, бу яхши тажриба бўлади," - деди Собослаи журналистларга.
Бугун, 9 сентябрь куни Жаҳон чемпионати - 2026 саралаши 2-тури доирасида Венгрия терма жамоаси ўз майдонида Португалия терма жамоасини қабул қилади.
