Англия терма жамоаси сардори Харри Кейн Сербияга қарши ўйиндан (5:0) кейинги таассуротлари билан ўртоқлашди.
"Бавария" форварди 33-дақиқада ҳисобни очди. Кейинчалик Нони Мадуэке, Эзри Конса, Марк Гехи ва Маркус Рэшфорд биттадан гол уришди.
"Кеча мен ўзимизни қандай кўрсатишни хоҳлашимиз ҳақида кўп гапирдим. Ўйлайманки, бугун биз ўз даражамизни кўрсата олдик. Аввалги ўйинларда яхши ҳаракат қилдик, аммо максимумга эриша олмадик. Бу сафар бешта гол урдик, ишончли ҳаракат қилдик. Биз ўзимиз билан фахрланишимиз мумкин. Ажойиб жамоа. Бугун биз Сербияни - яхши жамоани ўртамиёна даражада ўйнашга мажбур қилдик," - дея Кейннинг сўзларини келтиради ВВС.
