Angliya terma jamoasi sardori Xarri Keyn Serbiyaga qarshi o‘yindan (5:0) keyingi taassurotlari bilan o‘rtoqlashdi.
"Bavariya" forvardi 33-daqiqada hisobni ochdi. Keyinchalik Noni Madueke, Ezri Konsa, Mark Gexi va Markus Reshford bittadan gol urishdi.
"Kecha men o‘zimizni qanday ko‘rsatishni xohlashimiz haqida ko‘p gapirdim. O‘ylaymanki, bugun biz o‘z darajamizni ko‘rsata oldik. Avvalgi o‘yinlarda yaxshi harakat qildik, ammo maksimumga erisha olmadik. Bu safar beshta gol urdik, ishonchli harakat qildik. Biz o‘zimiz bilan faxrlanishimiz mumkin. Ajoyib jamoa. Bugun biz Serbiyani - yaxshi jamoani o‘rtamiyona darajada o‘ynashga majbur qildik," - deya Keynning so‘zlarini keltiradi VVS.













