"Манчестер Юнайтед" ва Англия терма жамоасининг собиқ ҳимоячиси Гари Паллистер Рубен Аморим Бруну Фернандешдан нотўғри фойдаланаётганини айтди.

Мутахассиснинг сўзларига кўра, 4-3-3 схемасида ўйинчи жамоага максимал фойда келтирган бўларди.

"Агар у "Реал" ёки "Барселона" каби жамоага кетганида, юлдуз бўларди. Аммо у муаммоларга дуч келган "МЮ"да ўйнайди ва катта эҳтимол билан муносиб эътирофга сазовор бўлмайди," - дея Паллистернинг сўзларини келтиради BetWright.

Шу билан бирга, Паллистер Фернандеш манкунианликлар сафида тўп тепишда давом этаётганидан хурсанд. У Саудия Арабистонидан бўлган таклифни қабул қилиши мумкин эди, аммо рад этди.

Фахрийнинг сўзларига кўра, "МЮ" мухлислари жамоанинг қониқарсиз натижаларига қарамай, футболчини яхши кўришади.