"Барселона" марказий ҳимоячиси Рональд Араухо қишда "Ливерпуль"га кўчиб ўтиши мумкин.
Уругвайлик футболчи миш-мишларга қарамай, ёзги трансфер ойнасида Каталония клубида қолди, аммо, афтидан, футболчининг кетиши ҳақидаги гап-сўзлар шу билан тугамайди. Transfer News Live’нинг Fichajes'га таяниб хабар беришича, "Ливерпуль" Араухо учун январда тахминан 50 млн евро таклиф қилишга тайёр. "Барселона" 26 ёшли марказий ҳимоячини сотиш имкониятини кўриб чиқади.
Transfermarkt портали Рональд Араухонинг нархини 35 млн еврога баҳоламоқда. Футболчининг "кўк-анорранглилар" билан амалдаги шартномаси 2031 йилнинг ярмигача мўлжалланган.













