"Манчестер Юнайтед"нинг собиқ футболчиси Браян Робсон манкунианликлар устози Рубен Аморимнинг келажаги ҳақида гапирди. Мутахассиснинг фикрича, клуб мураббийларини тез-тез алмаштириш шарт эмас.
"Биз аллақачон мураббийларни кўп марта алмаштирганмиз. Йўқ, биз уни ишдан бўшатмаймиз. Биз уни айбламаймиз. Қўлингда пул бўлса ва клуб таркибни ўзгартиришга рухсат берса, жамоа ишини йўлга қўйиш учун уч йил керак бўлади," - дея Робсоннинг сўзларини келтиради The Telegraph.
Жорий мавсумда Аморим шогирдлари 4 турда атиги 4 очко жамғара олишди. "Қизил иблислар" АПЛ турнир жадвалида 14-ўринда бормоқда.
Бугун, 20 сентябрь куни "Манчестер Юнайтед" ўз майдонида "Челси"га қарши баҳс олиб боради.
