"Барселона" ярим ҳимоячиси Педри "Олтин тўп"ни топшириш маросимини ўтказиб юборади. 22 ёшли футболчи номзодларнинг ўттизталик рўхатидан жой олган, бироқ Париждаги тадбирда иштирок этмайди. Sport хабарига кўра, бу футболчи ва клубнинг биргаликдаги қарори. Испаниялик футболчи парвозлардан дам олиб, тиғиз ўйинлар шароитида куч тўпламоқчи.
"Олтин тўп"га номзод бўлган "Барселона" вакиллари орасида Ламин Ямал, Рафинья Диас ва Роберт Левандовски ҳам бор. Соврин учун асосий даъвогар "кўк-анорранглилар"нинг собиқ футболчиси, ҳозирда "ПСЖ" шарафини ҳимоя қилаётган Усмон Дембеле бўлиб турибди.













