"Бавария" ҳужумчиси Харри Кейн мавсум стартида феноменал сермаҳсуллик намойиш этмоқда.
Шанба куни инглиз Бундеслигада "Хоффенхайм"га қарши ўйинда (4:1) хет-трик қайд этди. Ҳужумчи ҳозирда янги мавсумнинг еттита ўйинида 13 та гол урган, умумий ҳисобда футболчи барча турнирларда мюнхенликлар сафида 103 та ўйинда 98 та гол урган.
Beyrn & Germany нашри хабарига кўра, Кейн "Вердер"га қарши навбатдаги ўйиндаёқ Европанинг бешта етакчи лигаси клублари орасида юзта гол уриш бўйича рекордчига айланиши мумкин. Ҳозирча рекорд Криштиану Роналду ва Эрлинг Холанднга тегишли бўлиб, уларга 105 та ўйин керак бўлган. "Тоттенхэм"нинг собиқ юлдузи норвегиялик ва португалиялик футболчининг кўрсаткичини ортда қолдириш учун дубль қайд этиши керак.
