Ярим ҳимоячи Кэлвин Филлипс "Манчестер Сити" сафида майдонга қайтиши ҳақида фикр билдирди.
2024 йил январидан бери бошқа жамоаларда ижарада ўйнаб келаётган хавбек, ўтган ёзда жароҳат билан "шаҳарликлар" таркибига қайтди.
"Уч ярим ой давомида жамоадан узоқда бўлдим ва ҳали ишлашим керак бўлган жиҳатлар бор. Шунга қарамай, яна "Сити" либосида майдонга тушганимдан жуда хурсандман. Мухлисларнинг қўллаб-қувватлагани учун ташаккур, бу менинг эътиборимдан четда қолмайди," - дея Филлипснинг сўзларини келтиради City Report.
29 ёшли ярим ҳимоячи Англия Лига кубоги доирасида "Хаддерсфилд"га қарши ўтказилган ўйинда 7 дақиқа майдонда ҳаракат қилди. Учрашув "Манчестер Сити"нинг 2:0 ҳисобидаги ғалабаси билан якунланди. Бу футболчи учун янги мавсумда илк бор майдонга тушиш бўлди.
