"Реал Овьедо" ярим ҳимоячиси Санти Касорла Ла Лига доирасидаги "Барселона"га қарши ўйинда асосий таркибда майдонга тушди.
Машҳур испаниялик айни дамда 40 ёш-у 286 кунлик бўлди - у 21-аср бошидан буён Испания чемпионати доирасида "Барселона"га қарши ўйинда асосий таркибда майдонга тушган энг кекса футболчига айланди, дея хабар беради Opta. Майдон эгалари 33-56-дақиқаларда ҳисобда олдинда бораётганди. 65-да Касорла захирага олинди, 70-да эса "Барселона" ҳисобда олдинга чиқиб олди - 2:1. Ўйин 3:1 ҳисобида якунланди.
Санти Касорла 2023 йилда ўзи учун қадрдон бўлган "Реал Овьедо"га қайтди. Ўтган мавсумда хавбек жамоага узоқ йиллар давомида биринчи марта юқори дивизионга кўтарилишга ёрдам берди.
