Доналд Трамп ЖЧ-2026 ўйинлари АҚШнинг айрим шаҳарларидан кўчирилишига йўл қўйди.
Мамлакат президенти, агар турнирни қабул қилишни режалаштираётган Америка шаҳарларидан бирортаси хавфсиз эмас деб ҳисобласа, ўйинларни кўчириш имкониятини кўриб чиқишини айтди.
Журналистлар ўйинларнинг Сиэтл ва Сан-Франсискода ўтказилиши бўйича сиёсатчиларга савол беришди. Ушбу шаҳарларда турнирнинг олтита ўйини бўлиб ўтиши керак.
"Бу қизиқ савол. Уларнинг хавфсизлиги ҳақида ғамхўрлик қилишимиз керак. Сиэтл ва Сан-Франсискони нима қилаётганини тушунмайдиган радикал сўл телбалар бошқаради.
Чикагога, Мемфисга, бошқа шаҳарларга борамиз. У ерда хавфсиз бўлади. Агар мен у ерда хавфсиз эмас деб қарор қилсам - биз ўйинларни бошқа шаҳарга кўчирамиз", - деди Доналд Трамп.
Шу билан бирга, The Athletic нашрининг ёзишича, Трампда ўйинларни бошқа шаҳарга кўчириш ваколати йўқ. Аммо президент ФИФА президенти Жанни Инфантино билан бевосита алоқада.
