Мадриднинг "Реал" клуби ҳужумчиси Эндрик фаолиятини Англия Премьер-лигасида давом эттириш вариантига эга.
Хаби Алонсонинг режасидан ўрин олмаган бразилиялик футболчига даъвогарлардан бири "Ньюкасл" ҳисобланади. E-Noticies хабарига кўра, 19 ёшли футболчи январь ойида ижара асосида "қарғалар" сафига қўшилиши мумкин. Катта эҳтимол билан "қаймоқранглилар" раҳбарияти ҳужумчи мураббийни ишонтира олмаса, уни қишда қўйиб юборишга рози бўлади.
Эндрик баҳорда жароҳат олганди - ўшандан бери у майдонга тушмади, аммо Ла Лиганинг сўнгги икки ўйинида қайдномадан жой олганди. Transfermarkt портали "Палмейрас" собиқ юлдузининг нархини 35 млн еврога баҳоламоқда.
