Германия чемпионатида 5-тур ўйинлари бўлиб ўтмоқда, унда Мюнхеннинг "Бавария" клуби Бременнинг "Вердер" клубига жавобсиз 4та тўп киритди. Шу тариқа, Мюнхен клуби ўз футболчиси - Йозуа Киммихнинг Бундеслигадаги 300-учрашувини муносиб нишонлади.
Ушбу 300 та ўйинда Киммих 218 та ғалабага эришди - бу Германия олий лигасида 300 ёки ундан ортиқ ўйин ўтказган футболчилар учун янги рекорддир.
Эслатиб ўтамиз, "Бавария" 5 турдан кейин мағлубиятсиз бормоқда - 5 ўйиннинг барчасида ғалаба қозониб, 15 очко жамғарган. Мюнхенликларни кейинги турда "Айнтрахт"га қарши ўйин кутиб турибди, бу тўртинчи октябрь куни бўлиб ўтади.
