"Барселона" спорт директори Деку ёзда Фермин Лопесни сотиб олмоқчи бўлган "Челси" таклифи ҳақида гапирди.
"Биз Ферминни сотмоқчи эмасдик, бу шундоқ ҳам тушунарли. Ферминни сотиш жамоанинг заифлашишини англатарди. Бу фақат Фермин клубни тарк этишимизни сўраган тақдирдагина амалга ошиши мумкин эди, аммо бундай бўлмади. Шунинг учун унинг қолганидан жуда хурсандмиз," - деди Деку Mundo Deportivo нашрига берган интервьюсида.
Фермин Лопес "Барселона" тарбияланувчиси ҳисобланади. Жорий мавсумда 22 ёшли испаниялик барча мусобақаларда бешта ўйинда майдонга тушиб, иккита гол урди.
Лопеснинг "кўк-анорранглилар" билан амалдаги меҳнат шартномаси 2029 йилнинг ярмигача мўлжалланган.
