"Бавария" бош директори Ян-Кристиан Дризен клубда ҳужумчи Майкл Олисега бўлган қизиқишга қандай муносабат билдирилаётгани ҳақидаги саволга жавоб берди.
Аввалроқ, футболчининг муваффақиятини Англия Премьер-лигасининг бирданига иккита етакчи клуби кузатиб бораётгани ҳақида хабарлар тарқалган эди.
"Бошқа клубларнинг қизиқишига келсак, биз бунга хотиржам муносабатда бўламиз", - деди функционер BILD’га берган интервьюсида.
Жорий мавсумда 23 ёшли Олисе барча турнирларни қўшиб ҳисоблаганда тўққизта учрашувда қатнашиб, бешта гол урди ва олтита голли узатмани амалга оширди.
Франциялик вингернинг "Бавария" билан амалдаги меҳнат шартномаси 2029 йилнинг ёзигача мўлжалланган.
