"Ливерпуль" бош мураббийи Арне Слот жамоа ҳужумчиси Александр Исак ҳақида фикр билдирди. Швециялик форвард ёзги трансферлар ойнаси ёпилиши олдидан "қизиллар" сафига кўчиб ўтди. Бу футболчи учун мерсисайдликлар 145 миллион евро тўлаган.
"Ўйналган дақиқаларни қўшадиган бўлсак, у бор-йўғи икки ёки учта ўйин ўтказди. Чунки у "Ньюкасл"да машғулот ўтказмаган. Аммо Исак битта гол уришга улгурди. Асосийси, ҳозир Исак янги шерикларга, улар эса унга мослашиши керак," - деди Слот матбуот анжуманида.
Александр Исак сентябрь ойида Англия лига кубоги доирасида "Саутгемптон"га қарши ўйинда гол урди.
