Англиянинг "Манчестер Сити" жамоаси бош мураббийи Пеп Гвардиола испаниялик ярим ҳимоячи Родрининг аҳволи ҳақида фикр билдирди.
«Родри Испания терма жамоаси таркибида 2026 йилги жаҳон чемпионатида аъло даражада ўйнайди. Келаси мавсумда у энг яхши футболчига айланади.
Бу мавсумда унинг муваффақияти жароҳатдан кейинги реабилитацияни қандай босқичма-босқич ўтишига боғлиқ. Бу табиий ҳолат. Йил давомида у кўп вақтини массаж столида ўтказди. Тана ўзгаради, тикланиш суръати ҳам ўзгаради...», - деди испаниялик мураббий.
2025/26 йилги мавсумда Родри жамоа учун олтита ўйинда иштирок этди, аммо голли ҳаракатлар кўрсата олмади. Transfermarkt портали унинг қийматини 110 миллион еврога баҳоламоқда.
